【雖天生患有痙攣，卻充滿跑步天份】

蘇樺偉，2008年北京傷殘人士奧運會男子200米（T36級）金牌、2007年日本殘疾人士田徑錦標賽男子100米（T36級）金牌及200米（T36級）金牌。他亦曾是100米及200米傷殘人士世界紀錄保持者，戰績彪炳。

蘇樺偉雖天生患有痙攣，卻充滿跑步天份。「細個嘅時候已經好鍾意跑步，後來潘健侶教練發覺我嘅平衡同手腳協調比其他傷殘小朋友好，咁就揀咗我入田徑隊。開始嘅時候，父母已經話俾我知訓練係好辛苦嘅事，我都仲係半信半疑。後來發覺真係好辛苦啊！尤其係長跑嘅時候，根本無辦法跟得上師兄師姐。」

蘇樺偉由訓練班之乙組升上甲組，亦逐漸感受到比賽壓力。偉仔坦然面對，並勇奪96年阿特蘭大傷殘人士奧運會男子4x100米接力（T35-T38級）金牌。二十年的奮鬥，為蘇樺偉帶來無數難忘的回憶。「運動令我學到好多人生嘅道理。教練會教我將自己學到嘅嘢去幫助其他人。例如路上有一舊石頭阻礙大家，我地可以埋怨，亦可以選擇做多一步，將石頭移開。」

蘇樺偉視運動生涯為一個神奇之旅，亦非常感激潘教練、歐陽教練、蔡教練及殘奧會的栽培。於2016年退役後，蘇樺偉決定到殘奧會工作，希望可以薪火相傳，將經驗與師弟師妹分享。

蘇樺偉最感激的，是「媽咪」。「佢係一個好好嘅媽咪，我有乜嘢唔明白都係問佢。我會孝順佢。喺我嘅運動生涯裏，佢支持咗我好多，我會陪住佢同報答佢。」

Photo Credit: Gerald Ip